‘ભગવો ન પહેરતા, તિલક ભૂસી કાઢજો, તુલસી માળા છુપાવજો અને તમારું માથું ઢાંકો…’ ઈન્ટરનેશનલ સોસાયટી ફોર ક્રિષ્ના કોન્શિયસનેસ (ISKCON) કોલકાતાએ બાંગ્લાદેશમાં તેના સહયોગીઓ અને અનુયાયીઓને આ સલાહ આપી છે. જેથી તેઓ પડોશી દેશમાં કટ્ટરપંથીઓથી બચી શકે અને પોતાની સુરક્ષા કરી શકે.
10 વર્ષથી ભારતમાં પ્રધાન મંત્રી નરેન્દ્ર મોદીની વિદેશ નીતિઓના ખૂબ વખાણ આપણે સાંભળીયે છીયે પણ આમા કેટલી સચ્ચાઈ છે અને મોદીજીના વ્યક્તિત્વમાં કેટલી તાકાત છે એનો પરચો હાલ મળી રહ્યો છે. બાંગ્લાદેશમાં હાલ ત્યાંના લઘુમતી હિંદુઓ પર કટ્ટરપંથી મુસ્લીમો દ્વારા સતત અત્યાચાર થઈ રહ્યા છે ત્યારે મોદીજીની આંતરાષ્ટ્રીય કૂટનીતિ કોઈ કામ નથી કરી રહી તેવા સમયે સોસ્યલ મીડિયા પર લોકો આ પ્રકારે સવાલ કરી રહ્યા છે.
સોસ્યલ મીડિયા પર લોકોના સવાલો ;
મોદીજીના આટલા પ્રવાસ બાદ જો ખરેખર એમનો વટ પડતો હોય તો શા માટે તેઓ બાંગ્લાદેશનાં હિંદુઓ માટે કોઈ નક્કર પગલાં નથી લઈ રહ્યા??
અરે આ સરકાર પગલાં લેવા તો દૂર કોરી આલોચના કરીને સતત મીડિયા અને સોશીયલ મીડીયામાં બાંગ્લાદેશનાં સમાચાર અને વિડિયો બતાવી બતાવીને અહીંના ભારતીય લઘુમતી મુસ્લીમો વિરુદ્ધ નફરતનો માહોલ ઉભો કરી રહ્યા છે.
તમારામાં ખરેખર ત્રેવડ હોય તો તમારા સંબંધોનો ઉપયોગ કરી કઈક નક્કર કાર્યવાહી કરો અને બાંગ્લાદેશી હિંદુઓના હિત માટે આગળ આવો ખાલી એમની વર્તમાન પરિસ્થિતીનો ફાયદો અહિયાં ચૂંટણી જીતવા શા માટે કરો છો??
કટ્ટરવાદ કોઈ પણ સંજોગોમાં ચલાવી શકાય નહી ચાહે મુસ્લિમનો હોય કે હિન્દુઓનો પણ અફસોસ ચાહે કોંગ્રેસ હોય કે ભાજપા બંને ત્રુસ્ટીકરણ અને વોટબેંકની રાજનીતિ કરવામાં માહેર છે એમાંય ભાજપે તો દાંટ વાળ્યો છે.
બાંગ્લાદેશમાં તમામ સાધુઓને ઇશ્કોનની ખાસ સલાહ
ઈસ્કોન કોલકાતાના ઉપાધ્યક્ષ રાધારમણ દાસે જણાવ્યું હતું કે, ‘લોકોએ મંદિર અને ઘરની અંદર તેમના ધર્મનું પાલન કરવું જોઈએ, પરંતુ બહાર જતી વખતે સાવચેત રહેવું જોઈએ. હું તમામ સાધુઓ અને સભ્યોને સલાહ આપી રહ્યો છું કે સંકટના આ સમયમાં પોતાની સુરક્ષા માટે દરેક શક્ય પ્રયાસો કરે. હું તેમને ભગવો ન પહેરતા, તિલક ભૂસી કાઢજો, તુલસી માળા છુપાવજો અને તમારું માથું ઢાંકીને રાખવાની સલાહ આપું છું.’
અહેવાલો અનુસાર, રાધારમણ દાસે અપીલ કરી છે કે જો તમે તુલસી માળા પહેરવા માંગતા હોય તો તેને એવી રીતે પહેરો કે તે કપડાની અંદર છુપાયેલ રહે અને ગળાની આસપાસ દેખાઈ ન શકે. તમારે દરેક સંભવિત પગલાં લેવા જોઈએ જેથી કરીને તેઓ સાધુ જેવા વેશ ન દેખાય.’
હિન્દુઓ પર હુમલા ખૂબ પ્રમાણમાં વધી રહ્યા છે
બાંગ્લાદેશમાં હિન્દુ લઘુમતીઓ અને ઈસ્કોન સાધુઓ સામે હિંસાની ઘટનાઓ વધી રહી છે. તાજેતરમાં બાંગ્લાદેશમાં એક કાયદાકીય કેસમાં આધ્યાત્મિક નેતા ચિન્મય કૃષ્ણ દાસનો બચાવ કરનારા એડવોકેટ રમણ રોય પર ક્રૂર હુમલો કરવામાં આવ્યો છે અને તેમની હાલત અત્યંત નાજુક છે. હુમલા અંગે માહિતી આપતાં, પશ્ચિમ બંગાળના કોલકાતા સ્થિત ઇસ્કોનના પ્રવક્તા રાધારમણ દાસે જણાવ્યું હતું કે, ‘રમણ રોયના ઘરમાં તોડફોડ કરવામાં આવી હતી અને હુમલો કરવામાં આવ્યો હતો. તેમણે માત્ર ભૂલ એ હતી કે કોર્ટમાં ચિન્મય કૃષ્ણ દાસનો બચાવ કર્યો હતો. આ હુમલામાં ‘રમણ રોય ગંભીર રીતે ઈજાગ્રસ્ત થયા છે અને તેઓ હાલ આઈસીયુમાં છે.’
ઉલ્લેખનીય છે કે, બાંગ્લાદેશની 17 કરોડની વસ્તીમાં હિન્દુઓની સંખ્યા 8 ટકા છે. દેશના 50થી વધુ જિલ્લાઓમાં હિન્દુ લઘુમતીઓ પર 200થી વધુ હુમલા નોંધાયા છે.
આધ્યાત્મિક ઉપદેશક ચિન્મય કૃષ્ણ દાસની 25મી ઓક્ટોબરે ધરપકડ કરવામાં આવી ત્યારથી બાંગ્લાદેશમાં સ્થિતિ તણાવપૂર્ણ છે. ચટગાંવમાં બાંગ્લાદેશના રાષ્ટ્રધ્વજ પર ભગવો ધ્વજ ફરકાવવા બદલ તેમના પર દેશદ્રોહનો આરોપ લગાવવામાં આવ્યો હતો. તેમની ધરપકડ બાદ 27મી નવેમ્બરના રોજ ચટગાંવ કોર્ટ બિલ્ડીંગ વિસ્તારમાં પોલીસ અને આધ્યાત્મિક ગુરુના કથિત અનુયાયીઓ વચ્ચેની અથડામણ દરમિયાન એક વકીલનું મોત થયું હતું.
ભારતે બાંગ્લાદેશમાં ‘ઉગ્રવાદી રેટરિક, હિંસા અને ઉશ્કેરણીનાં વધતા બનાવો’ પર ચિંતા વ્યક્ત કરી હતી. વિદેશ મંત્રાલયે કહ્યું હતું કે,ભારતે બાંગ્લાદેશ સરકાર સમક્ષ હિન્દુઓ અને અન્ય લઘુમતીઓ પર લક્ષિત હુમલાનો મુદ્દો સતત ઊઠાવ્યો છે.’
Author: Sanatan Satya Samachar
The Fourth pillar of democracy
