ભૂતપૂર્વ IPS અધિકારી સંજીવ ભટ્ટને 27 વર્ષ જૂના કસ્ટોડિયલ ટોર્ચર કેસ (1997)માં નિર્દોષ જાહેર કરવામાં આવ્યા છે. ગુજરાતના પોરબંદરની એક કોર્ટે આ નિર્ણય આપ્યો છે.
ભૂતપૂર્વ IPS અધિકારી સંજીવ ભટ્ટને 27 વર્ષ જૂના કસ્ટોડિયલ ટોર્ચર કેસ (1997)માં નિર્દોષ જાહેર કરવામાં આવ્યા છે. ગુજરાતના પોરબંદરની એક કોર્ટે આ નિર્ણય આપ્યો છે. કોર્ટે કહ્યું કે ફરિયાદ પક્ષ ‘ચાર્જ સાબિત’ કરી શક્યું નથી. એડિશનલ ચીફ જ્યુડિશિયલ મેજિસ્ટ્રેટ મુકેશ પંડ્યાએ શનિવારે પોરબંદરના તત્કાલિન પોલીસ અધિક્ષક (એસપી) ભટ્ટને ભારતીય દંડ સંહિતાની કલમો હેઠળ તેમની સામે નોંધાયેલા કેસમાં પુરાવાના અભાવે નિર્દોષ જાહેર કર્યા હતા.
અગાઉ સંજીવ ભટ્ટને 1990માં જામનગરમાં કસ્ટોડિયલ ડેથના કેસમાં આજીવન કેદની અને 1996ના પાલનપુરમાં રાજસ્થાનના વકીલને ફસાવવા માટે ડ્રગ્સ રાખવાના કેસમાં 20 વર્ષની જેલની સજા ફટકારવામાં આવી હતી. હાલમાં તે રાજકોટ સેન્ટ્રલ જેલમાં બંધ છે.
કોર્ટે જણાવ્યું હતું કે ફરિયાદી ‘આરોપોને સાબિત કરી શક્યું નથી’ કે ફરિયાદીને ગુનાની કબૂલાત કરવાની ફરજ પાડવામાં આવી હતી અને ખતરનાક હથિયારોનો ઉપયોગ કરીને અને ધમકીઓ આપીને તેને આત્મસમર્પણ કરવાની ફરજ પાડવામાં આવી હતી. આ સાથે કોર્ટે એ હકીકતની પણ નોંધ લીધી હતી કે, તે સમયે જાહેર સેવક એવા આરોપીઓ સામે કાર્યવાહી કરવા માટે કેસમાં જરૂરી મંજૂરી લેવામાં આવી ન હતી.
સંજીવ ભટ્ટ અને કોન્સ્ટેબલ વજુભાઈ ચાઉ સામે ભારતીય દંડ સંહિતાની કલમ 330 (કબૂલાત માટે ઈજા પહોંચાડવી) અને 324 (ખતરનાક હથિયારોથી ઈજા પહોંચાડવી) હેઠળ ગુનો નોંધવામાં આવ્યો હતો. કોન્સ્ટેબલ વજુભાઈના મૃત્યુ બાદ તેમની સામેનો કેસ પડતો મૂકવામાં આવ્યો હતો.
નારણ જાદવ નામની વ્યક્તિની ફરિયાદના આધારે બંને વિરુદ્ધ કેસ નોંધવામાં આવ્યો હતો. જેમણે આરોપ લગાવ્યો હતો કે આતંકવાદી અને વિક્ષેપકારક પ્રવૃત્તિઓ (નિવારણ) અધિનિયમ (ટાડા) અને આર્મ્સ એક્ટ હેઠળ કબૂલાત કરવા માટે પોલીસ કસ્ટડીમાં તેમને શારીરિક અને માનસિક ત્રાસ આપવામાં આવ્યો હતો. માનસિક ત્રાસ આપવામાં આવ્યો હતો.
સંજીવ ભટ્ટ જ્યારે ગોધરાકાંડના મામલે આક્ષેપ કરી રહ્યા હતા ત્યારે તેમને એક સુરક્ષાકર્મી સાથે ઝઘડો થયો હતો. આ દરમિયાન તેમણે સુરક્ષાકર્મીને લાફો મારી દીધો અને તેની ફરિયાદ પણ નોંધાઈ હતી. માત્ર એટલું જ નહીં, સંજીવ ભટ્ટે પોતાના મેમનગર પાસે આવેલા બંગલોમાં ગેરકાયદે બાંધકામ કર્યું હતું. જેને લઇ ખૂબ વિવાદ થયો હતો.
સંજીવ ભટ્ટે 2011માં તત્કાલીન મુખ્યમંત્રી નરેન્દ્ર મોદી સામે સુપ્રીમ કોર્ટમાં સોગંદનામું દાખલ કરતા ખૂબ કાયદાકીય વિવાદ થયો હતો. આ સોગંદનામામાં તેમણે નરેન્દ્ર મોદી પર સવાલો ઉઠાવ્યા હતા અને કહ્યું હતું કે 2002ના રમખાણો માટે રચવામાં આવેલી એસઆઈટી પર તેમને વિશ્વાસ નથી. તો બીજી તરફ ગુજરાત રાજ્યના અધિકારીઓએ ભટ્ટ પર આરોપ લગાવતા કહ્યું હતું કે તેઓ મોદી પર ખોટા આરોપો લગાવી રહ્યા છે.
સંજીવ ભટ્ટને 2011માં રાજ્ય સરકાર દ્વારા ફરજ પર ગેરહાજર અને સરકારી વાહનોની મંજૂરી લીધા વિના દૂરઉપયોગ બદલ સસ્પેન્ડ કરવામાં આવ્યા હતા. ત્યાર બાદ 2015માં કેન્દ્રીય ગૃહમંત્રાલયે તેમને સર્વિસ પરથી ફરજમુક્ત કરવાની ભલામણ કરી હતી. જેને માન્ય રાખવામાં આવી હતી.
પૂર્વ IPS અધિકારી સંજીવ ભટ્ટને અગાઉ 1990માં જામજોધપુર કસ્ટોડિયલ ડેથ કેસ આજીવન કેદ અને વર્ષ 1996માં પાલનપુરમાં રાજસ્થાનના વકીલને ફસાવવાના કેસમાં 20 વર્ષની જેલની સજા ફટકારવામાં આવી હતી. હાલ તે રાજકોટ સેન્ટ્રલ જેલમાં બંધ છે.
Author: Sanatan Satya Samachar
The Fourth pillar of democracy
